Левандовски добил понуда од 150 милиони евра по сезона

Полскиот напаѓач, Роберт Левандовски беше најдобар стрелец во Ла Лига и со Барселона ја освои титулата.

Левандовски постигна 23 гола на 34 првенствени натпревари, вкупно 33, а додаде и уште осум асистенции. Сега пристигнува информација од полските медиуми дека и тој добил понуда од Саудиска Арабија.

Во Саудиска Арабија од наредната сезона ќе играат повеќе големи европски имиња, но Левандовски и покрај понудата изгледа нема да биде еден од тие фудбалери.

На Левандовски му биле понудени 150 милиони евра по сезона, не се открива клубот, меѓутоа Полјакот без многу размислување кажал „не“. По заминувањето од Полска, Левандовски успешно играше за Борусија Дортмунд за која постигна 103 гола на 187 натпревари и Баерн каде што постигна 344 на 375 натпревари.