Кутињо: Никогаш не се знае што носи иднината!

Најскапото засилување во историјата на Барселона, Филипе Кутињо синоќа постигна два гола против Севиља и за момент се ослободи од критиките.

Бразилецот преживува тешки моменти на „Камп Ноу“ и моментално е втор избор кај Валверде, па медиумите шпекулираат дека ќе биде продаден.

„Никогаш не се знае што носи иднината. Јас мислам единствено на сегашноста и се обидувам да му помогнам на тимот“, изјави Кутињо.

„Поминувам низ не многу добар период, но важно е да работам. Јасно дека понекогаш работите не одат во вистинска насока, но јас се трудам многу. Среќен сум за победата и пласманот во следната фаза“, заклучи Бразилецот.