Кој ќе го наследи Вентура? Четворица АСОВИ во игра

Деновите на Џанпјеро Вентура се изброени на кормилото на италијанската репрезентација после фијаското кое го доживеаа „аѕурите“.

Како што е веќе познато Италија за прв пат после 60 години не успеа да се пласира на Светско првенство откако беше елиминирана од Шведска во баражот.

Иако сосема нормално беше самиот Вентура да поднесе оставка уште синоќа, тој чека да го сменат за да може да земе бонус за предвремено раскинување на договорот.

Најавторитетниот весник „Газета дело Спорт“ четворица реномирани италијански тренери се во игра за да седнат на местото на Вентура.

Italy would be going to #WC2018 if any of these men were in charge over Ventura#TuesdayThoughts pic.twitter.com/0lx3Ok9hUi

— Goal (@goal) November 14, 2017

Кандидат број 1 е Карло Анчелоти кој во моментов е слободен после отказот во Баерн Минхен. Вториот посакуван тренер е Антонио Конте, иако тој моментално е на кормилото на Челзи, сепак би сакал да се врати во Италија.

Другите две имиња се Макс Алегри и Роберто Манчини, кои веќе имаат ангажман во Јувентус односно Зенит.

Федерацијата е спремна да обезбеди многу поголеми средства за годишна плата на следниот селектор, кој најверојатно ќе добива 4 милиони евра плус бонуси.