Конте: Обврска е на Италија да се пласира на Светското првенство

Баражот помеѓу Италија и Македонија е главна тема и на „Чизмата“ па така овие денови бројни големи имиња од фудбалот даваат свое мислење.

Помеѓу оние кои го кажаа своето мислење за баражот е и поранешниот селектор на „Аѕурите“ и сегашен тренер на Тотенхем. Антонио Конте. Италија го пропушти последниот Мундијал во Русија и поради тоа се создава и дополнителен притисок, а Конте посочи дека обврска на Италија е пласманот на Светското првенство.

„После освоената европска титула обврска е на Италија да се пласира на Светското првенство. Немавме среќа во ждрепката и воопшто нема да биде лесно, но ние сме Италија и сме европски шампиони. Верувам дека сите кои се во репрезентацијата знаат што треба да направат. Најсилни селекции во баражот се Италија и Португалија, ние ќе направиме се за да се пласираме. Италија има обврска да оди на СП“, изјави Конте.

Баражот помеѓу Италија и Македонија се игра во четврток од 20:45 часот, додека победникот ќе оди  на подобриот од дуелот Португалија – Турција, финалниот бараж натпревар ќе се игра на 29. април.