Клоп откри за кој фудбалер жали што не е во Ливерпул

Менаџерот на Ливерпул, Јирген Клоп откри дека е голем симатизер на играта на капитенот на Ајакс, Душан Тадиќ.

Германецот призна дека сакал да го има српскиот репрезентативец во својот тим на „Енфилд“.

„Многу ми беше жал која во 2018 година Душан го напушти Саутемптон и се пресели во Ајакс. Тогаш и јас го сакав, бидејќи многу го ценам како играч“, изјави Клоп.

Тадиќ се етаблираше во вистинска легенда на Ајакс, каде на 209 меча има постигнато 94 гола, а вечерва ќе игра против Ливерпул во Лигата на шампиони.