Клоп го спореди Нуњес со Левандовски

Менаџерот на Ливерпул, Јирген Клоп вели дека Дарвин Нуњез го потсетува на Роберт Левандовски на стартот на кариерата и не е загрижен за тоа што Уругваецот не постигнува многу голови.

23-годишниот Нуњес ова лето пристигна од Бенфика за 85 милиони евра и од него се очекуваше многу, но до сега постига само 9 гола за Ливерпул.

„Има многу сличности. Мислам дека да го прашате и Леви ќе ви даде сличен одговор. Тој имаше тренинг-сесии во кои не даваше ниту еден гол. Имавме облози по 10 евра – ако постигнеш повеќе од 10 гола, ќе ти платам 10 евра, ако промашиш, тогаш ти ќе платиш. Џебовите ми беа полни пари. Потребна е смиреност. Кога ќе го видите потенцијалот, останете смирени“, вели Клоп.