Киелини го избрал новиот клуб

Џорџо Киелини после 17 години ја одигра последната сезона во дресот на Јувентус. Италијанскиот дефанзивец си заминува од Торино со девет освоени титули, а тимот го водеше и како капитен.

Иако има 37 години Киелини нема да се пензионира и ќе продолжи да игра фудбал. Како што гласат последните информации тој ќе продолжи во МЛС лигата.

Италијанцот веќе се договорил со помладиот клуб од Лос Анџелес – ЛАФЦ. Овој клуб е основан во 2014 година, а најголемата ѕвезда која настапувала е Карлос Вела.

Официјалното претставување на Киелини се очекува во наредните денови.