Катарските медиуми „удрија“ по фудбалерите: Кошмарен почеток!

На насловните страни во Катар денес се најде неуспехот на репрезентацијата на стартот на Мундијалот.

Поразот од Еквадор медиумите го оценија како кошмарен почеток за домашната селекција, а разочарувањето беше очигледно кога навивачите го напуштаа стадионот пред завршувањето на натпреварот.

Арапскиот „Ал Раџа“ излезе со насловна страна „Тие се сопмнаа“, истакнувајќи дека фудбалерите биле далеку под нивото од кое очекувала јавноста.

Весникот „Ал Ватан“ изрази жалење за „цената на билетите во однос на слабоста на тимот, но ја спомена и големата одговорност и притисокот врз играчите.

Катарскиот дневен весник на англиски „Трибјун“ јавува и за „кошмарен почеток“ за репрезентацијата и за нервозата на голманот Саад ал-Шиб.

„Задачата ќе биде тешка за Катар, но начинот на кој тимот загуби од Еквадор беше доволен да ги разочара локалните навивачи“, изјави денеска „Голф Тајмс“.

Во второто коло на 25 ноември Катар ќе игра против Сенегал, а Еквадор против Холандија.