Интер носи три засилувања во јануари

Интер одлично ја отвори сезоната во Серија А, но раководството има намера додатно да го засили тимот во зимскиот преоден рок.

Апсолутен приоритет на клубот оваа сезона е пласман во Топ 4 и враќање во Лигата на шампиони, па поради тоа Спалети сака нови засилувања во јануари.

Приоритет на клубот е еден дефанзивец кој ќе може да биде алтернатива за Миранда и Скриниар, а прва мета е Мангала од Манчестер Сити.

Медиумите тврдат дека од Кина на позајмица ќе пристигне Алекс Тешеира кој може да игра на крилните позиции.

Сепак најголемото засилување би требало да пристигне во средниот ред. На Инетр му недостасува креативност, а најголема желба е Хавиер Пасторе од ПСЖ.

Аргентинецот не добива голема минутажа и е спремен да ја промени средината, а Интер сака да ја искористи таквата ситуација и да го донесе во Милано.