Интер Мајами победува, Меси продолжува да тресе мрежи

Интер Мајами со 4:0 го совлада Шарлот и се пласираше во полуфиналето од Лига Купот, а Меси повторно беше стрелец.

Натпреварот беше отворен уште во 12. минута со гол од пенал, а во 32. Тејлор стрелаше за водство од 2:0. Маланда си постигна автогол во 78. минута, за осум минути подоцна Меси да ги постави конечните 4:0.

Интер Мајами во полуфиналето ќе се сретне со Филаделфија Унион која со 2:1 беше подобра од Куертаро.