Интер во напредни преговори со ѕвездата на Јунајтед

Италијанските медиуми пренесуваат дека Интер е во напреднати преговори со младата ѕвезда на Манчестер Јунајтед, Тахит Чонг.

20-годишниот крилен фудбалер се смета дека ќе биде новата „голема ѕвезда“, но не добива голема минутажа на „Олд Трафорд“, па поради тоа не сака да го продолжи договорот со Манчестер Јунајтед кој истекува на крајот на сезоната.

Италијанските медиуми тврдат дека „нероаѕурите“ се сретнале со Синух Мохамед, менаџер на Чонг и „ставиле на маса“ петгодишен договор вреден два милиони евра по сезона, со опција за автоматско зголемување на приходите во зависност од натпреварите на Чонг.

Исто така, се верува дека Интер подготвил пет милиони евра „награда“ за менаџерот на Чонг, доколку младиот Холанѓанец пристигне во Милано.

Чонг може да биде четвртиот фудбалер од Манчестер Јунајтед кој ќе се пресели на „Џузепе Меаца“ откако претходно Интер ги донесе, Лукаку, Санчез и Ешли Јанг.