Изненадување: Салах и уште две ѕвезди не се номинирани за најдобри во Африка

Фудбалската конфедерација на Африка денеска ги објави десетте кандидати за најдобар фудбалер на континентот, а помеѓу номинираните нема некои звучи имиња.

Амин Гури (Рен), Едмонд Тапсоба (Баер Леверкузен), Симон Адингра (Брајтон), Чансел Мбемба (Олимпик Марсеј), Серху Гираси (Штутгарт), Ашраф Хакими (ПСЖ), Софиан Рахими (Ал Аин), Адемола Лукман (Аталанта), Вилиам Траст Еконг (Ал Холуд) и Ронвен Вилијамс (Мамелоди Сандаунс), се фудбалерите кои добија номинации.

Во потесниот избор немаше имиња како Мохамед Салах, Виктор Осимен и Виктор Бонифејс кој имаа и солидни сезони.

За Ливерпул Салах постигна 25 гола и подели 14 асистенции на 44 натпревари, додека Осимен постигна 17 гола и запиша четири асистенции. Бонифејс кој одреден беше повреден сезоната ја заврши со 21 гол и 10 асистенции.