Изненадување во Торино: Надал поразен на стартот!

Тејлор Фриц на завршниот мастерс во Торино влезе како замена за Карлос Алкараз, меѓутоа тоа не го спречи да направи големо изненадување победувајќи го Рафаел Надал со 2:0 во сетови (7:6, 6:1).

Неизвесност имаше само во првиот сет во кој Американецот прв пропушти шанса за брејк, меѓутоа во тај-брејкот беше одличен и го доби со 7:3. Надал по тој загубен тај-брејк како да се распадна и многу лесно го загуби вториот сет.

Мечот помеѓу Надал и Фриц беше втор од зелената во групната фаза, претходно Каспер Руд го елиминираше Огер-Алиасим исто така со 2:0 во сетови.