Играчот кој најмногу претрчал во Лигата на шампионите има 32 години!

Иако беше критикуван и во текот на летото пристигна во Рома како отпишан играч за неколку милиони евра, оваа сезона го докажува токму спротивното.

Србинот од редовите на „волчицата“, Александар Коларов е фудбалерот со најмногу претрчани километри оваа сезона во Лигата на шампионите.

Коларов во досегашните 10 натпревари претрчал 106.76 километри, односно 10.68 во просек по натпревар.

Само еден играч може да се пофали дека е блиску до Александар Коларов, а тоа Алекс Сандро од Јувентус со 98.768, но и со натпревар помалку (Јувентус вечерва му гостува на Реал Мадрид).

Навистина неверојатно е што играч кој има 32 години е фудбалерот кој најмногу претрчал.