Зидан вечерва без Роналдо, Бејл и Модриќ

Реал Мадрид вечерва го игра својот натпревар од 32 коло од Ла Лига и тоа на гостински терен против Малага која се наоѓа на последното место на табелата.

„Кралевите“ во овој момент се четврти на табелата во Примера и од поодамна нивното внимание е насочено кон Лигата на шампионите, а за денешниот натпревар Зидан одлучи да одмори некои од своите најважни фудбалери.

Шпанските медиуми пренесуваат дека на денешното гостување Реал ќе оди без Кристиано, Роналдо, Лука Модриќ и Герет Бејл.

Причина за ваквата одлука на Зидан секако е натпреварот од Лигата на шампионите против Баерн Минхен кој е закажан за 25 април. Покрај тоа Реал веќе во среда го очекува нов натпревар од Ла Лига против Атлетик Билбао.