Зверев играл со симптоми на коронавирус, не кажа дали се тестирал

Александер Зверев шокантно призна дека имал симптоми на коронавирус пред да испадне во четвртото коло на Ролан Гарос од Јаник Синер.

По поразот, 23-годишниот Германец, со маска на лицето, изјави дека имал температура од 38 степени во текот на вечерта по победата во пертходното коло.

„Немам повреди, но многу бев болен по мечот со Марко Чекинато. Што да кажам. Болен сум. Не можам да дишам добро, како што можете да чуете, а имав и треска. Тоа влијаеше на денешниот меч. Можеби не требаше да играм“, изјави Зверев.

На пресот по поразот, тој одби да каже кога последен пат бил тестиран на Ковид, а тоа крена голема прашина во јавноста.