Женско ракометно дерби во Кисела Вода – влезот слободен!

Љубителите на ракометот утре во Кисела Вода ќе имаат можност да проследат женско ракометно дерби.

Во спортската сала „Архиепископ Доситеј“, со почеток во 14:00 часот, во рамки на 9 коло од женската супер лига, девојките од ЖРК Спартак од Кисела Вода силите на теренот ќе ги одмерат со екипата на ЖРК Вардар. Влезот за сите посетители е бесплатен.

Воедно, утре, уште еден клуб од Кисела Вода ќе се бори за победа. Девојките од ЖКК Бадел 1862 на гостински терен ќе и се спротивстават на екипата на ЖКК Баскет Кам.

Натпреварот ќе се одигра во Македонската Каменица.