Епилог од инцидентите во дербито: Најтешко помина Квардадо

Италијанското дерби помеѓу Јувентус и Интер во првиот натпревар од полуфиналето во Купот на Италија заврши без победни 1:1, а по последниот судиски свиреж следуваа и инциденти.

Стрелците на головите, Лукаку и Квардадо заработија црвени картони, исклучен беше и голманот Хандановиќ.

Против сите тројца беше отворена постапка, а најголема казна заработи фудбалерот на Јувентус. Колумбиецот доби суспензија од три натпревари, додека Хандановиќ и Лукаку се суспендирани само еден натпревар.

Лукаку исклучувањето го заработи поради прославата на голот пред фановите на „старата дама“, додека Квардадо и Хандановиќ влегоа во жесток дуел.