Ендрик во Реал Мадрид веќе доби прекар и тоа по – англиска легенда!

Младиот Бразилец Ендрик одлично ја започна епизодата во Реал Мадрид и постигна гол на дебито, а изгледа дека и соиграчите веќе му смислиле прекар.

Ендрик во соблекувалната на гигантот од Мадрид го викаат Боби, по легендата на Манчестер Јунајтед, Сер Боби Чарлтон.

Причина е изјавата на Бразилецот кој неодамна го наброја Чарлтон помеѓу неговите идоли. Чарлтон фудбал играше во 60-тите и 70-тите години, односно 40 години пред да се роди Ендрик и затоа е јасно дека не можел да го гледа.