Евра: Алегри прави чуда, овој тим на Јувентус нема квалитет

Јувентус вчера доживеа бламажа во Лигата на шампионите и со поразот од 0:3 од Виљареал прерано заврши уште една евро сезона.

По ваквиот пораз следуваа бројни критики на смета на сите во Јувентус, а вообичаено најмногу во ваква ситуација да се критикува тренерот, во овој случај тоа е Алегри. Сепак, поранешниот фудбалер на Јувентус, Патрис Евра застана во одбрана на италијанскиот стратег.

„Разочаран сум од лицето кое го покажа Јувентус во овој натпревар. Морам да кажам дека Алегри прави чуда затоа што нема квалитет во оваа екипа, посебно во средниот ред. Кога бев јас ги имавме Маркизио, Видал, Пирло…Денес не видов дека Артур нешто направи“, смета Евра.

Ќе потсетиме Евра член на Јувентус беше од летото 2014 година кога дојде до Манчестер Јунајтед се до јануари 2017 година кога премина во Марсеј. За Јувентус Евра одигра 82 натпревари, постигна три гола и запиша седум асистенции.