Евертон се засилува со Бразилецот Евертон

Премиерлигашот Евертон покажува силен интерес за напаѓачот на Гремио и бразилски репрезентативец, Евертон, пренесуваат англиските медиуми.

Новиот тренер на „карамелите“, Карло Анчелоти, бара засилување во нападот, откако го смени системот во 4-4-2.

Извршниот директор на бразилскиот клуб, Клаус Камара, го потврди интересот на Евертон, но истакна дека се уште не пристигнала официјална понуда.

23-годишниот напаѓач веќе подолго време е на радарот на многу европски клубови, а Гремио за неговата слобода бара мнајмалку 40 милиони евра.

Покрај напаѓачот, Анчелоти во своите редови сака да го донесе и играчот за врска на Интер, Матијас Весино.