Евертон го претстави шестото засилување!

Евертон продолжува со својата трансфер кампања и денес го претстави 6-то засилување. Дефанзивецот Куко Мартина потпиша договор со „карамелите“ до 2020 година.

Мартина изминатите две сезони играше во Саутемптон, за кого одигра 24 натпревари и постигна еден гол. Пред доаѓањето во Премиер лигата го носеше дресот на Твенте.

„Мартина е искусен играч кој може да игра на различни позиции во одбраната. Неговиот ангажман е важен поради големиот број натпревари кои нè очекуваат оваа сезона“, изјави тренерот на Евертон, Роналд Куман.

Мартина е шесто засилување за Евертон во актуелниот преоден рок. „Карамелите“ новата сезона во Премиер лигата ќе ја почнат на 12 август, против Стоук.