Драма: Ди Натале мета на криминалци пред неговиот дом!

Низ вистинска драма поминал легендарниот Антонио Ди Натале пред неговиот дом во близина на Емполи.

Ди Натале заедно со своето семејство се враќал дома, а тогаш шестмина криминалци го нападнале. Според информациите од Италија, криминалците впериле пиштол во главата на Ди Натале.

Легендата на Серија А потоа им дала се што побарале од него, меѓу работите бил и неговиот часовник вреден 30.000 евра. Сето тоа се случувало пред очите на неговата сопруга и децата.

Полицијата пристигнала на местото на настанот и за среќа никој не бил повреден. Не е првпат Ди Натале да биде мета на криминалци во неговиот дом, истото се случи и во 2012 година. Антонио Ди Натале е легенда на Удинезе, но и Емполи каде што ја започна кариерата.

За репрезентацијата на Италија одигра 42 натпревари и постигна 11 гола. Оваа година стана тренер и ја презема екипата на Караресе.