Дончиќ се врати и беше најдобар во победата на Далас, историски лоша вечер за Нетси (ВИДЕО)

Изминатата вечер во лигата се одиграа шест натпревари.

Лука Дончиќ се врати на теренот после четири натпревари пауза поради повреда, а неговиот Далас на домашен терен во тексашкото дерби го совладаа Сан Антонио со 102:98.

Словенецот запиша 24 поени (9-23 од игра, 5-8 пенали), 10 скока и 8 асистенции, Тим Хардвеј јуниор уфрли 17 поени (7-14 од игра), Фини Смит имаше 13 поени (5-6 од игра), како и Кристапс Порзингис (4-15 од игра, 8 скока, 3 асистенции).

Кај Спарси најефикасни беа Демар Дерозан со 21 и Лемаркус Олдриџ со 17 поени. Мечот Далас го реши додека на теренот го немаше нивниот најдобар играч. Со три тројки на Геј Спарси од -13 стигнаа до -3 во раната фаза од последната четвртина, но следеше рафал на домаќините – Порзингис уфрли две тројки во низа, а до половината на последната четвртина Далас даде уште пет и така создаде недостижни 102:85. Во финишот Спарси направија предност од 13:0, меѓутоа не можеа ништо повеќе.

Дербито на Њујорк им припадна на Никси (8-24) кои го совладаа Бруклин со 94:82.

Гостите славеа полесно од она што може да се заклучи по конечниот резултат, а блескаше Џјулијан Рендл со 33 поени и 8 скока, Маркус Морис имаше 22 поени и 8 скокови, а Елфрид Петјон додаде 13 поени, 7 скока и 4 асистенции. Кај Нетси се истакна Спенсер Динвиди со 25 поени.

Беше ова историски лоша вечер за Нетси бидејќи уфрлија само осум шута за два поени што е најмалку од воведувањето на линијата за три поени во сезоната 1979/1980.

НБА резултати:

Детроит – Вашингтон 132:102

Бруклин – Њујорк Никси 82:94

Далас – Сан Антонио 102:98

Оклахома – Мемфис 97:110

Сакраменто – Минесота 104:105 (после продолженија)

Јута – Портланд 121:115