Дончиќ издоминира со трипл-дабл, солидно деби за Вембанјама 🎥

Виктор Вембанјама изминатата ноќ го имаше своето деби во НБА лигата во дресот на Сан Антонио.

Француската кошаркарска надеж се претстави во добро издание и во 23 минути на паркетот постигна 15 поени и имаше само едно промашување од игра. Сепак тоа не беше доволно за победа против Далас кој во своите редови го имаше расположениот Лука Дончиќ.

Маверикс на гости предводени од словенечкиот кошаркар славеа со 126:119. За 33 минути на паркетот Дончиќ блесна со трипл-дабл од 33 поени, 13 скока и 10 асистенции.

Најмногу поени во вечерта постигна Индијана Пејсерс која со 143:120 го совлада Вашинтон. Навистина не се случува често во НБА лигата една екипа во сите четири четвртини да има повеќе од 30 поени што сега и успеа на Индијана.

На гостински терен Бостон го совлада Њујорк со 108:104, Бостон во овој натпревар го промовираше тандемот Тејтум-Порзингис. Двајцата постигнаа повеќе од 30 поени, првиот заврши со 34, плус 11 скока, а Летонецот додаде 30 во своето официјално деби за Бостон. Најфикасен кај Њујорк беше Берет.

НБА РЕЗУЛТАТИ:

Шарлот – Атланта 116-110

Индијана – Вашингтон 143-120

Њујорк – Бостон 104-108

Орландо – Хјустон 116-86

Бруклин – Кливленд 113-114

Мајами – Детроит 103-102

Торонто – Минесота 97-94

Чикаго – Оклахома 104-124

Мемфис – Њу Орлеанс 111-114

Јута – Сакраменто 114-130

Сан Антонио – Далас 119-126

Лос Анџелес Клиперс – Портланд 123-111