Дончиќ: Ако водевме со повеќе разлика, можеби ќе го „бркав“ тој трипл-дабл

Феноменалниот Словенец, Лука Дончиќ игра неверојатна дебитантска сезона во НБА лигата.

Во вчерашната победа на Далас против Њу Орлеанс (122:119) на Дончиќ му недостасуваше само еден скок за да оствари трипл-дабл учинок.

Доколку Дончиќ стигнеше до таков учинок ќе станеше најмладиот кошаркар во НБА кој успеал да оствари трипл-дабл.

После натпреварот Дончиќ беше скромен и порача дека тоа не му е важно и дека сака само Далас да победува.

„Сакав само да победиме. Доколку имавме поголема предност можеби и ќе го бркав тој трипл-дабл. Сепак во ваков неизвесен натпревар важно беше само да победиме“, изјави 19 годишниот Словенец.

Словенецот во вчерашниот натпревар оствари учинок од 21 поен, 10 асистенции и 9 скокови.