Донарума ја одби последната понуда од Милан за нов договор

Голманот на Милан, Џанлуиџи Донарума ја одби последната понуда на клубот за нов договор, според угледниот новинар Алфредо Педула.

Причината за ова е финансискиот дел од понудениот договор. Актуелниот договор на Донарума истекува во јуни 2021 година, а според него голманот заработува 6 милиони евра по сезона.

Раководството на „росонерите“ му понудиле зголемување на платата од 1 милион евра, но агентот на 20-годишниот голман експресно ја одбил понудата.

Ситуацијата останува отворена, но станува се потешко да се постигне договор меѓу двете страни. На лето Донарума ќе влезе во последната година од договорот, па доколку до тогаш не стави потпис на нов договор Милан ќе мора да го продаде.

Во тој случај цената на италијанскиот репрезентативец се проценува на околу 40 милиони евра.