Италијанците тврдат: Трансферот на Донарума во Јувентус е скоро завршен!

Италија е спремна за голем летен трансфер.

Медиумите на Апенините пренесуваат дека Џиџи Донарума е пред трансфер во редовите на Јувентус.

Наводно, голманот и челниците на Јувентус ќе направат финални разговори по крајот од сезоната каде треба да бидат договорени и деталите за трансферот на голманот во торинскиот клуб. Инаку, договорот на Донарума со Росонерите истекува на лето.

Оваа информација на Твитер ја потврди и Масимилијано Ноци кој истакна дека трансферот на Донарума е скоро завршена работа.

#Donnarumma molto vicino alla #Juve (se i bianconeri riescono a chiudere per #Szczesny in Premier)

— Massimiliano Nerozzi (@MaxNerozzi) April 27, 2021

Росонерите и Старата дама се во борба за пласман во ЛШ, а една екипа многу лесно може да остане без најелитното натпреварување за наредната сезона.

Се поставува прашањето што ако Милан избори пласман во ЛШ, а Јувентус извиси, како тогаш ќе се развива целата приказна околу Донарума. Оваа шпекулација италијанските медиуми веднаш ја елиминираа и наведуваат дека Донарума од лето ќе биде нов голман на Јувентус, без оглед какви ќе бидат резултатите по крајот на тековната сезона.