„Домино ефект“, Агуеро незадоволен, следи неверојатен расплет!?

Кога ќе се погледне целата ситуации оваа приказна и тоа како има логика…

Серхио Агуеро наводно не е задоволен во Манчестер Сити и наскоро би можел да го напушти клубот.

Шпанскиот новинар Хозе Алварез Аја денес откри интересна информација, Кун Агуеро би можел да го напушти Манчестер Сити и да се пресели во Реал Мадрид.

Според неговите зборови Аргентинецот смета дека не е доволно ценет од Пеп Гвардиола, иако веќе три месеци игра под болки и дава се од себе за клубот кој го сака.

Хозе Алварез открива дека Аргентинецот не е целосно спремен, поради тоа и често е на клупата и од поодамна нема одиграно цел натпревар.

Агуеро има проблеми со петата, но секогаш е тука за екипата, се жртвува од почетокот на сезоната, а наводно Пеп Гвардиола не го цени неговото залагање.

Алварез денес пренесе дека целата ситуацијата ја следи Реал Мадрид кој бара засилување во нападот и тоа не е тајна бидејќи мета е Мауро Икарди. Оваа прикзна дополнително ја подгреваат и гласините дека Алексис Санчез ќе го засили Сити бидејќи Пеп Гвардиола токму во Чилеанецот гледа идеално засилување во нападот.

Санчез токму под водство на Пеп го играше својот најдобар фудбал на позицијата „лажна деветка“ во Барселона. Договорот на Санчез истекува на лето, а Санчез е спремен да го чека летото кога како бесплатен фудбалер може да премине на „Итихад“.