Добри вести од Хрватска со повредата на Адеми

Добри вести пристигнуваат за македонската фудбалска репрезентација со повредата на Арјан Адеми во вчерашниот натпревар на Динамо Загреб против Тотенхем.

Се чекаа деталите за повредата кои стигнаа после денешните прегледи. Хрватските медиуми објавија дека Адеми нема посериозна повреда и дека со него се е во ред.

Станувало збор само за посилен удар во коленото кој нема да остави сериозни последици за нашиот фудбалер.

Ваквите вести за нас беа загрижувачки затоа што се наближува Европското првенство кое е за три месеци, а веќе овој месец против Романија на 25. ги започнуваме квалификациите за Светското првенство.