Напаѓачот на Ливерпул, Роберо Фирмињо, продолжи со тренинзи по залечување на повреда на колкот, пренесува „Скај спорт“.
Дваесет и седумгодишниот Бразилец поради повреда ги пропушти последните два меча, против Хадерсфилд во Премиер лигата и против Барселона во Лигата на шампиони.
Последните информации од Англија говорат дека Фирмињо тренира заедно со своите соиграчи и ќе му биде на располагање на Клоп за финалето од ЛШ кое на програмата е на 1-ви јуни.
Оваа сезона, Фирмињо настапи на 47 меча во сите натпреварувања, постигна 16 голови и запиша седум асистенции.
Неговото опоравување е од голема важност за тренерот, но и за целиот тим, бидејќи во нападот „црвените“ ќе можат да сметаат на ударното трио – Сачах, Фирмињо, Мане.
Коментари
Учество во игри на среќа е дозволено за лица со 18+ години. Играј одговорно!