Добра вест за Реал пред дуелот во ЛШ

Ѕвездата на Реал Мадрид, Кристиано Роналдо се опорави од лесната повреда и повторно е во составот на „кралевите“ кои за два дена ќе играат реванш натпревар во Неапол во Лигата на шампиони.

Португалецот го пропушти натпреварот од шпанското првенство против Еибар поради „проблем со мускулот“, но избраниците на Зидан запишаа висока победа и без својот најдобар поединец.

Сепак, добрата вест за Реал е што покрај Роналдо во тимот се враќаат и Герет Бејл и Алваро Мората, кои не играа во Примера поради суспензија, па единствено повредениот Рафаел Варан нема да отпатува во Италија.

Мадриѓаните првиот натпревар против Наполи на „Сантиаго Бернабеу“ го добија со 3:1, па поради тоа се големи фаворити за пласман во четвртфиналето.