Де Брујн размислува за Саудиска Арабија: Толку не заработив во Европа за 15 години…

Aко досега беа само шпекулации сега јасно е дека Кевин Де Брујн сериозно ја разгледува можноста за преселба во Саудиска Арабија.

Белгиецот има уште една година од договорот со Манчестер Сити и англискиот шампион е подготвен да го продаде само во случај на богата понуда.

Со последната изјава во медиумите Де Брујн потврдува дека веќе добил понуди за кои размислува.

„Трансфер во Саудиска Арабија? Во овие години во кои што сум треба да се биде реален и отворен за сите опции.

Зборуваме за неверојатни суми пред крајот на кариерата и треба добро да се размисли. За две години би заработил неверојатна сума. Во Европа играм 15 години и вкупно не сум заработил толку пари колку што ми нудат. Затоа треба да се размисли“, изјави Де Брујн.