Дерби на денот: Петти обид на Сити да го победи Ливерпул оваа година

После Мунијалот се врати врвниот клупски фудбал, а денес на програмата е големото дерби помеѓу Манчестер Сити и Ливерпул во Лига Купот.

Дали Сити конечно ќе слави против Ливерпул?

Манчестер Сити и Ливерпул минатата сезона водеа голема битка за титулата, каде „граѓаните“ лесно можеа да останат без титулата во последното коло. И оваа сезона Сити има највисоки цели, односно освојување на сите трифеи за кои се натпреварува. Поради тоа сигурно „граѓаните“ нема да се откажат од Лига Купот, иако фокусот секако ќе биде на Премиер лигата и Лигата на шампиони. Во овој момент „граѓаните“ се наоѓаат на второто место на табелата со дури пет бода помалку од Арсенал. Поради тоа тимот на Гвардиола одлично се спремаше за остатокот на сезона, иако за време на Мундијалот одигра само еден пријателски меч. Ова ќе биде 5-ти обид за Сити да го победи Ливерул во 2022 година. Одиграа четири меча на кои три пати победија „црвените“ и еднаш одиграа реми. Што се однесува до тимот, Гвардиола нема да може да смета само Алварез, кој се уште не се вратил после Мундијалот.

Ливерпул игра под очекувањата оваа сезона

Фудбалерите на Ливерпул минатата сезона беа во трка за сите четири трофеи, а на крајот освоија само два, ФА Купот и Лига Купот. Иако ги загубија двата поважни трофеи сезоната сепак може да се смета како успешна, па Клоп и дружината ќе сакаат да ја одбранат титулата во Лига Купот оваа сезона. Особено поради фактот што „црвените“ играат мноогу лошо во Премиер лигата оваа сезона и многу заостануваат од врвот, па веќе се надвор од трката за титулата. Во овој момент Ливерпул се наоѓа на 6-то место на табалета со дури седум бода помалку од четвртопласираниот Тотенхем. Поради тоа целта оваа сезона е пласман во Топ 4, иако и тоа нема да биде лесно. Што се однесува до Лигата на шампиони Ливерпул заврши на второто место во групата и за противник во доби Реал Мадрид, што сигурно ќе биде најголемо дерби во осминафиналето. Поради тоа „црвените“ одлично се припремаа за остатокот од сезоната. Тие се припремаа во Дубаи каде играа силни пријателски дуели против Лион и Милан и ја темприраа формата. Што се однесува до тимот, Клоп за овој меч нема да може да смета на повредените Дијаз и Жота.

Очекување

Овие два тима секогаш играат возбудливи натпревари со многу голови, бидејќи имаат фантастични напади. Веруваме дека така ќе биде и овој пат иако влогот е голем, па очекуваме голови на двете страни.