Делофеу се враќа во Премиер лигата?

Шпанецот Жерар Делофеу во еден период важеше за еден од најталентираните фудбалери во светот, му се предвидуваше голема кариера, но сепак не ги исполни очекувањата.

Откако ја напушти Барселона играше во Премиер лигата за Евертон и Вотфорд, кратко беше дел и од Милан. Во овој момент тој е соиграч на македонскиот напаѓач Илија Несторовски во Удинезе.

Сега се појавија најави дека Делофеу би можел да се врати на Островот во редовите на Вест Хем. Наводно, премиерлигашот е спремен за услугите на Делофеу да понуди два ипол милиони фунти.

Во клубот веруваат дека Делофеу може да донесе квалитет и искуство, покрај тоа и откупната цена не е висока за стандардите во Премиер лигата. Сезонава Делофеу одигра 22 натпревари за Удинезе и постигна седум голови.