Давид Луиз објасни зошто реши да се пресели во Арсенал!

Давид Луиз го изненади фудбалскиот свет кога во последниот ден од преодниот рок реши да го напушти Челзи и да се пресели во Арсенал.

Бразилскиот дефанзивец овој викенд дебитираше во дресот на „топџиите“, а сега ја објасни причината зошто се решил на таков потег.

„Јас сум момче со амбиција и затоа се преселив во овој клуб. Сакам нов предизвик, нови работи во мојот живот. Тоа ми дава кислород и ми дава мотивација за навистина да уживам во моментите. Можев да изберам комфорна зона, да добијам пари и да бидам кул и тоа е тоа“, истакна Бразилецот.

„Сите знаат дека бев многу среќен во Челзи и освоив многу трофеи таму. Имав навистина искрен разговор со Лампард и неговите идеи за сезоната се различни од моите. Па најдобар начин според мене да го испочитувам клубот каде бев, беше да заминам и да се обидам со нов предизвик со што него ќе му дадам можност да си ја работи својата работа“, додаде Давид Луиз.