Давид Луиз во последните часови од преодниот рок се сели во Арсенал!

Давид Луиз веројатно ќе биде веста на денот во последениот ден од преодниот рок во Англија!

Скоро сите островски медиуми тврдат – Давид Луиз се сели во Арсенал.

Лондонските ривали наводно се договориле околу оштетата за 32 годишниот Бразилец. Арсенал на Челзи ќе му плати сума од околу осум милиони фунти. Таа сума е многу помала од онаа која Челзи ја плати за Луиз на ПСЖ (34 милиони фунти).

Давид Луиз ќе добие договор на две години, а интересно е што ова ќе му биде трет пат во кариерата да менува клуб во последниот ден од преодниот рок.

Покрај Луиз на „Емирати“ денес се очекува да пристигна и левиот бек на Селтик Киран Тирни кој ќе стане најскапиот играч во историјата на шкотскиот фудбал. Преговорите беа во тек уште од средината на јули, а на крајот двата клуба постигнале договор за сума од 27 милиони евра.