Група ирански спортисти до ФИФА: Исфрлете не од Светското првенсто!

На Светското првенство во Катар кое ќе се игра од 20. ноември до 18 декември. pепрезентацијата на Иран е во група со Англија, Велс и селекцијата на САД.

Група ирански спортисти сега побараа од Меѓународната фудбалска федерација (ФИФА) да ја исфрли иранската репрезентација од претстојното Светско првенство поради 6руталноста на владата кон сопствениот народ, но и поради тоа што на жените со години им беше забранет пристапот до стадионите.

Меѓу потписниците на писмото се и судијата на ФИФА Мохамед Реза Фегани, шампионот во џудо Вахид Сарлак и поранешниот фудбалер Шива Амини, објави Скај.

„Бpyталноста и воинственоста на Иран кон сопствениот народ достигна крајна точка, барајќи недвосмислено и цврсто одвојување од светот на фудбалот и спортот. Фудбалот, кој треба да биде безбедно место за сите, не е безбеден за жените, па дури ни за мажите“, се вели во соопштението.

„На жените постојано им се забранува пристап до стадионите ширум земјата и се систематски исклучени од фудбалскиот екосистем во Иран, што е во целосна спротивност со вредностите и статутите на ФИФА“, се вели во соопштението.

Протестите во Иран почнаа на 16 септември поради cмртта на 22-годишната Макса Амини, која неколку дена претходно беше приведена поради неправилно носење хиџаб. Иранската полиција 6рутално ги задушуваше протестите, стотици демонстранти беа уапсени, а повеќе од 120 лица загинаа.