Голот на Барди беше доволен за бод – реми на Македонија во „Стожице“ (ВИДЕО)

Вечерва Македонија го одигра вториот натпревар во рамките од од квалификациите за Европското првенство во 2020 година.

Откако во Скопје ја победивме Летонија со 3:1, денес одиграме реми 1:1 на гостински терен против Словенија.

Натпреварот започна изедначено. Словенија ја имаше првата сериозна прилика, но за наша среќе Столе Димитриевски одлично интервенираше и го спаси својот гол. Не беше ова натпревар со премногу големи прилики, повеќе се играше на средината, така беше до голот на Словенците.

Словенија прва стигнаа до предност во 34-тата минута преку Зајц. Овој гол како да ги разбуди нашите репрезентативци кои започнаа да играат подобро и да создаваат шанси. Меѓутоа иако имавме добри шанси во тој период од десетина минути до крајот на полувреме сепак не успеавме да ја погодиме мрежата.

Micha Zajc’in golü pic.twitter.com/Lcfi6MyTAZ

— Erman. (@ErmanStinson_) March 24, 2019

Тоа ни успеа на стартот од вториот дел кога Алиоски украде една топка и испрати уфрлување во шеснаесетникот, а на вистинско место се најде Барди кој успеа да погоди за изедначување.

Don Enis Bardhi

Slovenia vs. North Macedonia pic.twitter.com/INE1QSWayA

— Enis Bardhi Fans (@BardhiFans) March 24, 2019

До крајот на натпреварот видовме по некоја шанса и на двете страни, меѓутоа резултатот не се промени.

Интересно е што ова реми за Словенија беше дури петто во низа со истиот резултат (1:1). Претходно ремизираа со: Кипар, Норвешка, Бугарија и Израел. После натпреварите од второто коло во нашата група Полска има максимални шест бодови, Израел и ние имаме по четири бода, Словенија е зад нас со два помалку, додека Австрија и Летонија се без бодови.