Големи критики за Де Геа, се огласи и Солскјер

Давид де Геа беше најдобриот поединец во Манчестер Јунајтед во изминатите две сезони, а сега е цел на критики по серијата грешки кои ги направи оваа сезона.

Шпанскиот чувар на мрежата тотално потфрли во полуфиналето од Купот против Челзи, беше директен виновник за два гола, па критиките се засилија.

Единствено логично решение е да се врати одличниот Хендерсон од Шефилд, но јасно е дека Де Геа не може да биде оставен на клупата бидејќи има плата од 20 милиони евра.

Порано беше прогласен за најдобар голман на светот, сега е далеку од таа форма. Јунајтед би сакал да го продаде, но во моментов нема заинтересирани клубови.

„Не можам да зборувам за самодовербата на Давид Де Геа, но тој ментално е многу силен. Тој знае дека од 100 такви удари, треба да запиши 100 одбрани, но тоа е фудбалот. Јас ја донесов одлуката тој да брани на овој дуел. Но, не треба да се критикува само Давид, затоа што целата одбрана потфрли“, изјави Солскјер.