Германското чудо од дете го бараа гиганти, а тој го избра Кристал Палас

Макс Мејер се смета за еден од најдобрите млади играчи во Европа, а ова лето остана без клуб, бидејќи не сакаше да го продолжи договорот со Шалке.

Така „Рударите“ продолжуваат со неславната пракса на ослободување на играчи без надомест, а можеа да заработат за германскиот репрезентативец многу. Мејер беше одличен и во дресот на Гелзенкирхен пред две години, беше мета на Арсенал, Ливерпул, Баерн, па дури и Барса.

Сепак, изгледа дека од тоа нема да има ништо, бидејќи англиските медиуми објавуваат дека ќе пристигне во Кристал Палас. „Guardian“ пишува дека преговорите се во близина на крајот и дека играчот уште во четврток ќе потпише договор со „Орлите“.

Ова би било огромно засилување за тимот од Лондон доколку 22-годишниот Мејер повторно ги покаже игрите кои го одведоа во репрезентацијата на Германија со само 19 години.