Гвардиола ја откри клазулата на Де Брујн: Би ја платил ли некој?

Дали навистина вреди толку многу?

Менаџерот на Манчестер Сити, Пеп Гвардиола во интервјуто за шпанските медиуми зборуваше за повеќе теми, а откри и информација која им „избегала“ на англиските новинари.

Имено, Кевин Де Брујн во јануари потпишал нов договор со „граѓаните“ во кој постои огромна откупна клазула.

„Де Брујн е фантастичен, многу динамичен играч. Марсео Биелса ми кажа дека тој е неговиот омилен. Тој може се. Еден ден ги запознав неговите родители и сфатив каков всушност е Де Брујн. Неверојатно момче, жал ми е за останатите клубови, но неговата откупна клазула изнесува 250 милиони евра и тој не е на продажба“, изјави Гвардиола.

Ќе потсетиме, Де Брујн минатата година беше во конкуренција за играч на годината во Премиер лигата, но таа награда на крајот заврши кај Мохамед Салах од Ливерпул.