Гвардиола претпазлив: Мислите ли дека не може да ни се случи тоа што му се случи на Ливерпул?

 Манчестер Сити оствари голема победа за викендот на гости кај Ливерпул.

Избраниците на Пеп Гвардиола славеа со убедливи 4:1 против актуелните шампиони и така со натпревар помалку направија пет поени предност во однос на Манчестер Јунајтед.

Секако дека добрата игра на „граѓаните“ натера многумина фудбалски аналитичари на Остроцот шампионската трка во Премиер лигата да ја прогласат за неинтересна. Гвардиола не се сложува со тоа.

„Кога се обидуваме предвреме да ја предвидиме иднината спортот тоа брзо го казнува, на такво нешто сме биле многу пати сведоци во минатото. Ливерпул е еден од најдобрите тимови кои сум ги видел, имаа неверојатна низа од 68 натпревари дома без победа. Сега се во еден лош период, но мислите ли дека на нас не може да ни се случи такво нешто? Секако дека може. Само видете ја ситуацијата од пред-два три месеци. Тогаш не ни се даваа многу шанси да бидеме шампиони, дури луѓето се прашуваа дали ќе играме и во ЛШ, но еве сега повторно сме супер тим. Таков е фудбалот, работите брзо се менуваат“, порача Гвардиола.