Гвардиола најави лоши времиња во Сити

Менаџерот на Манчестер Сити, Пеп Гвардиола ги предупреди фановите и најави дека се можни лоши времиња за клубот.

Гвардиола потенцираше дека големиот број на титули се исклучок, а не нормална работа и ги повика фановите да даваат поддршка и кога работите ќе се променат.

„Освоивме многу, а во иднина треба да разберете дека тоа беше исклучок. Не е нормално да се освојуваат тројни круни, пет титули во Премиерлигата за шест години. Продолжете да уживате, но кога се лоши времиња дојдете да не бодрите и тогаш“, изјави Гвардиола.

Манчестер Сити се соочува со казна поради нарушени правила на ФФП, па може дури и да биде исфрлен во подолна лига.