Гвардиола го сака плејмејкерот на Милан

Англиските медиуми пренесуваат дека Манчестер Сити е сериозно заинтересиран за играчот за врска на Милан, Исмаил Бенасер.

Бенасер пристигна во Милан минатото лето за 16 милиони евра, а потоа беше прогласен за најдобар играч на Африканскиот Куп. Тој продолжи со добрите игри во Серија А, каде се етаблираше во еден од најдобрите играчи за врска.

Бенасер има искуство во англискиот фудбал бидејќи потекнува од школата на Арсенал, а Гвардиола смета дека би бил идеално засилување за средниот ред.

23-годишниот Алжирец има одлична техника, а е исто така одличен и во дефанзивните обврски на теренот.

Покрај Сити за него интерес покажува и ПСЖ, а неговата цена во моментов изнесува 50 милиони евра, но Милан тешко дека ќе се откаже од него.