Гвардиола го „краде“ Олмо пред носот на Барселона

Барселона е силно заинтересирана да го врати Дани Олмо на „Камп Ноу“, но сега во трката за неговиот потпис се приклучи и Манчестер Сити.

Олмо е дете на „Ла Масија“ од каде замина во Динамо Загреб, а веќе неколку сезони игра одлично во Лајпциг.

Шпанецот сака да се врати на „Камп Ноу“, но проблем е што Барселона има фанансиски проблеми и не може да го купи. Олмо има договор со Лајпциг до 2024 година, па Каталонците го советувале да не ја продолжува соработката и да пристигне во Барселона како слободен агент.

Меѓутоа, Лајпциг сака да избегне такво сценарио и ќе го стави Олмо на трансфер пазарот, а таквата ситуација сака да ја искористи Манчестер Сити.

Гвардиола е голем симпатизер на квалитетите на Олмо, а „граѓаните“ нема да имаат проблем да ја платат сумата од 40 милиони евра која ја бара Лајпциг.