Газдата на Рома купува премиерлигаш!

Сопственикот на Рома, Ден Фридкин, постигна договор со мнозинскиот сопственик на Евертон, Фарад Мошири за купување на британскиот клуб.

„Скај Спорт“ објави дека Мошири ја прифатил понудата испратена од Фридкин минатата недела. Мошири до 31. мај беше поврзан со договор за ексклузивност со американската инвестицка група и не можеше да преговара со други, но се очекува тоа да се смени и набрзо да стане сопственик на Евертон.

Фридкин ја купи Рома во 2020 година, а неговото богатство се проценува на 6,1 милијарда долари.

Групацијата „777 Партнерс“ од Мајами во септември објави дека постигнала договор со Мошири за купување на 94,1 отсто од акциите на клубот. Договорот требаше да биде склучен до крајот на 2023 година, но тоа не се случи бидејќи американската компанија не успеа да ги исполни барањата на Премиер лигата.