Вориорси го запреа Дончиќ и поведоа во полуфиналето со Далас

Tимот на Голден Стејт славеше против Далас со убедливи 112:87 во првиот натпревар од полуфиналето на Западната конференција во НБА лигата.

Предноста на Вориорси запична да расте во првата четвртина кога водеа со 10 разлика, а во продолжение со сигурна игра и ја зголемуваа. Една од главните причини што Вориорси успеаа да го добијат овој натпревар е што успеаа да го запрат Лука Дончиќ.

Лука Дончиќ постигна „само“ 20 поени што за неговите стандарди и не е многу, останатите не можеа да ја преземат неговата улога. На спротивната страна Стеф Кари постигна 21 поени и додаде уште 12 скока, додека Ендрју Вигинс уфрли 19 поени.