Видео: Јунајтед загуби од Хал, но ќе оди на Вембли

Манчестер Јунајтед загуби во Хал со 2:1, но ќе игра во финалето во Лига купот, благодарение на триумфот 2:0 во првиот меч пред своите навивачи.

Манчестер Јунајтед против тимот кој се бори за опстанок во Премиерлигата не блескаше, но успеа да ја оствари целта и да се пласира во финалето.

Хал го отвори резултатот во 35-та минута кога Хадлстон постигна гол од пенал. Израмнување на резултатот донесе Погба во 66-та минута, а конечниот резултат го постави Нијасе на пет минути до крајот на мечот.

За Хал на овој меч дебитираа стрелецот Нијасе кој дојде од Евертон и Марковиќ кој пред три дена пристигна од Спортинг Лисабон.

Манчестер Јунајтед во финалето ќе игра против Саутемптон на 26.февруари на Вембли.