Видео: Средба на Роналдо и Буфон во микс зоната

Јувентус успеа во невозможното, ја надокнади предноста на Реал од првиот натпревар, но на крајот беше поразен благодарение на пенал, кој пред самиот крај на натпреварот го направи Бенатиа.

Вистинска реткост е да се види Буфон во таква бесна ситуација како синоќа. Голманот на торинскиот клуб доби директен црвен картон поради жесток протест кон судијата Мајкл Оливер.

Бесниот Буфон беше во микс зоната, каде даваше изјава за медиумите, а во тие моменти му пристапи стрелецот на одлучувачкиот погодок Кристијано Роналдо. Португалецот го прекина интервјуто на Буфон, го прегрна, а потоа три пати повтори еден збор – извини.